sru:version: 1.2; sru:query: fcs.rf="mecmua.2_31"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.2_31"; sru:baseUrl: ; fcs:returnedRecords: 1; fcs:duration: PT0.024S PT0.033S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.2_31</phrase></query>)];

Her seḥer saña duʿāya açılan eller içün
Dilegi redd olmayup maqbūl olan qullar içün
Gėçe gündüz adını ẕikr eyleyen diller içün
Yā ilāhü l‑ʿālemīn veyā mucībü s‑sāyilīn
Yā ilāhī bizi ḫatm ėt ṣoñ nefes īmān‑ile
Qalbümüz eyle münevver ẕikr ile Qurʾān‑ile

Yüz qaralarıñ qazanduñ sehv‑ile ey pādişāh
ʿAfv ola dėyü umaruz ḥażretüñde her günāh
ʿAql u cāna vėr hidāyet eyleyem her günde āh
Yā ilāhü l‑ʿālemīn veyā mucībü s‑sāyilīn
Yā ilāhī bizi ḫatm ėt ṣoñ nefes īmān‑ile
Qalbümüz eyle münevver ẕikr ile Qurʾān‑ile

Yā ilāhī bu faqīri qıl belānuñ ṣābırı
Vėrdügüñ niʿmetleri eyle derdi şākiri
Eylesüñ bülbül gibi ẕikr‑i cemīlüñ Ẕākirī
Yā ilāhü l‑ʿālemīn veyā mucībü s‑sāyilīn
Yā ilāhī bizi ḫatm ėt ṣoñ nefes īmān‑ile
Qalbümüz eyle münevver ẕikr ile Qurʾān‑ile

[Bidlīsī]

velehü ayżan

Ḫudāyā çoq günāh ėtdüm ʿAdedsüz çoq günāhum var
Günāhum çoq ise yā rabb Hele derd‑ile āhum var

Yarın ḥażretde yā cebbār Günāh yoq‑durur inkār
Ne inkār eyleyem çün‑kim Baña benden güvāhum var

Ne yüz‑ile varam yā rabb Ben ol dergāh‑i aʿlāya
Ben ol ʿāṣī günāh‑kāram Zīrā rūzı siyāhum var

Niçün nūmīẕ olam yā rabba Bilürem raḥmetüñ çoqdur
Ūmīẕüm [!] kesmezem her gīz Zīrā ol yola rāhum var

Şefīʿü l‑müẕnibīn oldur Şefāʿat eyleyen yarın
Bi-ḥamdi llāh ki ḫavfum yoq Muḥammed gibi şāhum var

18r:

Bu Muḥammed temennāsı Ūmīẕi [!] munqaṭiʿ olmaz
Resūlullāh gibi hele Şefāʿatçı penāhum var

[Yūnus]:

velehü ayżan

Laʿnet ėtdi ʿAzrāʾīle ʿArşda minber dutmış-iken
Bir qulına qılsa naẓar Ol qul‑iken sulṭān olur
İşitmedüñ‑mi Yūsufı Bezirgānlar ṣatmış-iken

Ḥaqquñ ʿināyeti çoqdur Her dem eyidür qulların
Āzād qıldı İbrāhīmi Nemrūd oda atmış-iken

Ḥaqqdan yaña da [?] döniçek [?] Yūnus gibi dönmek gerek
Unutmadıydı tesbīḥi Qırq gün balıq yutmış-iken

Enbiyā evliyā qanı Geldi geçdi cümle velī
Ḥani od[-i?] Süleymānı Qāfdan Qāfa dutmış-iken

Ne‑qadar çoġ‑ise mālın Ecel saña ṣunar elin
Ne aṣṣı eyledi Qārūn Bu dünyāyı dutmış-iken

ʿAhduña gel eyle vefā Göñleñe [!] [?] eylegil ṣafā
Qanı Muḥammed Muṣṭafā ʿArşda miʿrāc dutmış-iken

Dutdur [?] Qul Yūnusuñ cānı Añıçaq yarınki güni
Qurʾān īmān yoldaş eyle Ṣoñ nefesde yatmış-iken

velehü ayżan